Geemla kónan

Í tilefni þess að...

Wed, 02 Jan 2008 20:14:42 GMT

Ég er búin að stofna mína eigin borg vil ég bjóða ykkur að gerast þegnar mínir...

Eða allavega hjálpa mér að gera borgina flottari og fjölmennari en aðrar borgir.

Http://askauf.myminicity.com

Kíkja takk

Jæja

Thu, 06 Dec 2007 18:16:52 GMT

Skrímslið er lifandi...

Kominn desember og Reykjvíkingar sem og Íslendingar allir alveg að brunda í buxurnar úr jólastressi og kjaftæði.

Ingólfur og Rakel fóru í myndatöku á föstudaginn í sparigallanum og fyrir forvitna er hægt að sjá þessar myndir á myspaceinu mínu en þið þurfið að vera vinir mínir til að skoða. Þau eru að sjálfsögðu voðalega sæt enda alveg yfir sig lík móðurinni eða þannig ;)

Vinnumálin eitthvað í fokki þessa stundina, sagði upp þessarri skítavinnu en þar sem ég fékk ekki aðra vinnu strax þá er ég eitthvað að þræla mér út fyrir hinn og þennan verslunarstjórann þessa dagana. Ártúnið verður vonandi helst fyrir barðinu á mér þó. Svo vonandi verð ég orðinn forstjóri hjá einhverju svaka stóru og ríku fyrirtæki eftir smástund.

Annars er alltaf fjör á mínu heimili. Fyrir þá sem ekki vissu fjölgaði hérna á heimilinu í endaðan sept. Gaui og Helga gerðust sambýlingar mínir þó Helga eyði nú ekki miklum tíma heimavið. En það hefur verið frekar mikill gestagangur hérna síðan og þó aðallega frá þessum blessuðu Vélskólavinum hans Guðjóns sem eru hverjum öðrum steiktari. En sambúðin gengur ágætlega svosem, kannski ekki alveg snyrtimennskan í fyrirrúmi en það sleppur vonandi. Bara eins gott að heilbrigðiseftirlitið kíki ekkert við á næstunni.

Svo tókst mér að fljúga á hausinn í hálkunni um mánaðarmótin okt-nóv. Pælum aðeins í því, hálka í 2 daga og ég dett 3svar. Allavega þá tognaði ég í bakinu og var óvinnufær í 3 vikur og mætti svo í vinnuna og gat varla neitt gert og alltaf reglulegar setjast-niður-pásur svo maður geti haldið andliti.

Jæja, allavega ég er farin að gera hluti af hálviti og blanda ógeði við son minn..

Nenni pottþétt ekki að blogga fyrir jól svo að bara merry new year and happy xmas.

Góðan daginn og gleðileg jól

Wed, 19 Sep 2007 01:13:46 GMT

Já, titilllinn segir það allt. Jólaparturinn er samt djók, ég vona að flestir hafi fattað það!

AAAAAAAllavega....pínu vatn runnið til sjávar síðan síðast.

Rakel er semsagt flutt til Róberts núna og er komin með dagmömmu upp á velli þar sem hún er að fíla sig fínt. Sem þýðir einfaldlega það að nú erum ég og Ingó ein í kotinu fyrir utan aðra hverja helgi og svona einstaka skipti eins og t.d. síðustu daga þar sem Rakel var veik og Róbert mátti ómögulega missa úr skólanum.

Nú er allt komið á fullt að breyta um eigendur á þessarri blessuðu íbúð sem þýðir einfaldlega það að ég og pabbi verðum sameiginlega eigendur.....sem hljómar mjög spennandi því við eigum svo vel saman ég og faðir vor.

Ég er hætt í Austurstrætinu og er byrjuð í Borgartúni...eða átti að byrja á mánudaginn en gat ekki út af Rakel svo ég byrja í fyrramálið. Sjáum bara hvernig það gengur en ég er á fullu að leita mér að nýrri vinnu, algjörlega komin með nóg af þessu Sub-batteríi, jah, fyrir utan nottla starfsfólkið í Ártúni ;)

En ég og Róbert gerðum okkur grein fyrir þeirri skelfilegu staðreynd á dögunum að ástkær dóttir okkar er að slefa í 1 árs afmæli, ekki kannski svo skelfilegur atburður en þá hættir maður samt að álíta hana litlubarn sem við að sjálfsögðu kærum okkur ekkert um. Innan skamms kemur hún til mín með unglingabólur á nefinu og leðurklæddan gaur í eftirdragi og segist vera ólétt. Let's hope not!

Ingólfur aftur á móti er alveg að gera sig sem stór strákur, hann er meira að segja farinn að viðurkenna að hann sé orðinn 3ja ára en sé ekki bara 2ja ára ennþá og segir mér mörgum sinnum á dag að hann sé stærri en hinir krakkarnir á deildinni (sem er btw alveg heilagur sannleikur). Fór í viðtal hjá honum í leikskólanum á föstudaginn og það kom bara fínt út úr því, hann er að aðlagast vel og síðustu viku til tvær hefur hann tekið stórt stökk í átt til hins betra sem er nottla bara frábært.

En ég er farin að dauðsjá eftir því núna að hafa ekki skráð mig í fjarnám eins og ég hef annars gert síðustu 3 annir því eftir að Rakel flutti í burtu þá stend ég mig að því að hafa ekki rassgat að gera á kvöldin, eða jú kannski rassgat, en ekki hluti sem ég nenni að gera á kvöldin. Væri maður þá ekki til í að gera ritgerð um einhverja leiðinlega kjörbók heldur en að enduruppgötva IRC og Einkamál.is og fleiri mjög svo einmanalega hluti? Jú ég held nú það.

En já, ég er gjörsamlega búin að tæma skálar upplýsinga á þessum bænum í bili, röfla væntanlega með reglulegra millibili héðan í frá ef heldur áfram sem horfir, einmanaleiki á kvöldin og leiðinleg sjónvarpsdagskrá.

Ps. Geðheilsa óskast gefins eða fyrir lítið, á sama stað er til sölu Skoda Octavia, lítillega freknótt en með skemmtilegum aukahljóðum í hvert skipti sem tekið er af stað.

Sólong sökkas..

Mikið

Sun, 26 Aug 2007 21:39:08 GMT

Rosalega er ég aktívur bloggari maður...

Allavega, nú ber til tíðinda. Maður er orðinn harðsingle aftur, Róbert fluttur upp á varnarsvæði NATO á Keflavíkurvelli og maður búinn að fara í fyrsta sinn til sólarlanda.

Ég nenni ekki einhverri arfaslakri langri leiðindafærslu, bara smá öppdeit. Er í Róberts tölvu á nettengingu hersins þar sem tölvan mín er með biluðu "B" og "N" og það er hundleiðinlegt að vera alltaf að koppípeista eða nota "M" og "P" í staðinn...

Fórum til Búlgaríu, Ég og fleira fallegt fólk þar sem við sýndum þessum Búlgörum sko hvernig á að gera þetta, ekki það að ég var slakasti djammarinn í ferðinni þvert á væntingar samferðalanga minna. Nú er ég bara blönk og sólbrún á bringunni en eins og endurskinsmerki að öðru leyti.

Er ennþá að vinna á Subway, í Austurstrætinu eins og er, kemur í ljós á morgun hvernig verður með framhaldið á mínum vinnuferli, allt í rögli og ekki allir sáttir sjáiði til.

Ingólfur kom til mín þegar ég kom heim frá Búlgaríu eftir 1 og hálfan mánuð af fjarveru og ég þekkti hann varla þegar ég hitti hann aftur. Rakel er orðin að fyndnasta krakka veraldar, greinilega með húmorinn hennar mömmu sko ;)

En jæja, læt þetta duga í bili, þarf að fara að koma mér heim í siðmenninguna í Grafarvoginum mínum.

Sayonara moðafokkas ;)

P.s. Ég er sætari en þú

Bibbidíbabbidíbú

Sat, 19 May 2007 19:17:42 GMT

Jæja, þá er ég flutt og komin með nettengingu.

Kláraði prófin á mánudaginn og náði því miður bara einum áfanga en bjóst við að ná amk 2. Þetta reddast samt allt og ég tek þetta aftur seinna....eða ekki :D

Íbúðin mín er fín, smá drasl í henni ennþá en það færist milli herbergja bara. Búin að kaupa mér nýjan sófa þar sem hinn brotnaði í frægu júgróvisjon partýi, keypti hillusamstæðu þar sem hin var farin í ruslið að hluta en sú nýja var að sjálfsögðu hönnuð fyrir flatskjá svo Róbert tók að sér að saga út úr henni þar sem við búum ekki svo vel að skíta flatskjám.

Rakel Emma er byrjuð hjá dagmömmu sem býr svo stutt frá að ég get liggur við veifað henni út um stofugluggann. Ég allavega sé blokkina hennar úr stofuglugganum. Rakel er alsæl og voðalega gaman að leika við fullt af gaurum hálfu ári eldri en hún.

Ingó byrjar á leikskóla sem ég get horft á út um gluggann í stigagangnum 29. maí og verður vonandi sáttur við það. Þá get ég hommast til að vinna á daginn og fæ vonandi það sem ég er búin að suða um við rekstrarstjóra Subway. Orðin frekar leið á að fá engin svör.

Annars er allt hressandi að frétta held ég bara....mætti alveg vera aktívari að gera hluti eða láta vita af mér eða bara bæði en svo er víst ekki...

Jæja, er þetta ekki nóg í bili?

Bless

Jájá

Wed, 18 Apr 2007 11:06:59 GMT

Jæja, það eru nokkrir dagar í að ég fái íbúðina mína afhenta, eða við kannski frekar, við erum nú alveg 4. Er í bílahugleiðingum og er að spá í að kaupa mér dvergabíl með því skilyrði að það komist gracokerra í skottið ;)

Er ennþá að vinna á Subway, ég var reyndar að sækja um verslunarstjórastöðu um daginn og er að bíða eftir nákvæmara svari, þá helst um laun og hvort ég og Helga getum verið yfirmenn á sama staðnum sem væri nottla ekkert nema brill.

Krakkarnir mínir eru orðnir stórir, Ingó 3ja ára og Rakel 6 mánaða og hún skríður um allt gólf og gargar á mig "bababa" og "wawa" og "mama" alveg klikks.

Er að fara vestur á föstudaginn í fermingu hjá litlu frænku minni sem er væntanlega 14 ára og hún heitir Ástrún. Mun gista með mömmu og có í einhverju sem mig grunar að sé algjör hola, ég held ég allavega hætti mér ekki í sturtu þar miðað við lýsingarnar sem ég er búin að ýminda mér.

Sáuði Rakel vinkonu í Kompás um daginn? Ég er svo stolt af henni fyrir að hafa komið fram með sína sögu, yfirveguð og kúl...Djöfull hefði ég verið öskrandi og hraunandi yfir hann en það er kannski því ég elskaði gaurinn aldrei og var ekki með honum. Já hún semsagt giftist manni sem var greinilega bara að komast yfir ísl ríkisborgararétt og hætti með henni um leið og það var komið í gegn og skildi hana eftir með 4 börn, þar af 3 sem hann á, svona fyrir þá sem ekki vita hvað ég er að tala um...

Ég komst að því um daginn að þó ég sé hundaóð manneskja sem er að fara að flytja í blokk þá er ekki öll von úti. Chihuahua hundar míga bara og skíta í kassa eins og kettir og svo fara þeir ekkert út nema í fanginu á manni....Svo las ég einhvers staðar að það væri mjög erfitt að ala þá upp og sérstaklega erfitt að fá þá til að verða húshreinir svo ég er svona uþb hætt við í bili þó þeir séu ógeðslega sætir. Ég byrja sennilega bara á að fylla fiskabúrið mitt aftur því nóg er af agavandamálum hjá manni fyrir með 2 skaphunda yngri en 18 ára á framfæri...

En semsagt ef einhver vill kaupa bílinn minn, Skoda Octavia '99 ek tæplega 1750000km en verður væntanlega kominn upp í 176000 á sunnudaginn. Fjólublár, algjört bjútí með smá freknur á húddinu, en þó ekki gleraugu.

Sjá hér

Aníveis, skrifa meira seinna ef ég nenni því, þarf líka að fara að redda mér internettengingu og svona í nýju íbúðina ;)

Tsjá

Blogga já

Wed, 04 Apr 2007 01:42:41 GMT

Ég ætla ekki að hafa þetta neitt langt, bara sýna að ég fékk mér ekki blogg bara til að blogga um að ég hafi fengið mér nýtt blogg...

Ég er að reyna að vinna á fullu og fá mér smá pening áður en ég fæ íbúðina afhenta 2. maí.

Ingó byrjar á leikskóla í endaðann maí og Rakel er komin með 2 tennur, enda að breytast í ljón.

Ég fer ekki neitt austur um páskana frekar en neina aðra páska þó svo að vinnufélagar mínir hafi verið handvissir um að það væri fjölskylduhefð ;)

Jæja....hver ætlar að taka vakt fyrir mig á Sub-Bsí á fimmtudaginn 6-12?

Over and out

Ég

Mon, 26 Mar 2007 15:27:23 GMT

Ákvað að bjúga til nýtt blogg þar sem hitt bloggið er svo mikið svona hugsidæmi...

Ég nenni ekki að blogga á html máli sem er bara fyrir nörda þannig að ég ætla bara að blogga á ísl-ensku og áslaugísku til skiptis á svona hálfvitaheldu bloggi.

Takk fyrir hommzar